کراچی (10 فروری 2018) پاکستان پیپلز پارٹی کے چیئرمین بلاول بھٹو زرداری نے ڈیرا اسماعیل خان میں ٹارگیٹ کلنگز پر شدید تشویش کا اظہار کیا ہے۔ ڈیرا اسماعیل خان میں حالیہ ٹارگیٹ کلنگز کے نتیجے میں ہونے والی ہلاکتوں پر افسوس کا اظہار کرتے ہوئے پی پی پی چیئرمین نے متاثرہ خاندانوں سے ہمدردی کا اظہار کیا اور کہا کہ اس مشکل گھڑی میں وہ ان کے ساتھ اور ان کے دکھ میں برابر کے شریک ہیں۔ پی پی پی چیئرمین نے کہا کہ یہ انتھائی افسوس کا مقام ہے کہ تحریک انصاف کی حکومت اپنی ذمیداریاں نبھانے سے گریزاں ہے جبکہ ڈیرا اسماعیل خان میں قاتل دندناتے پھر رہے ہیں اور لوگوں کو بے رحمی سے قتل کر رہے ہیں۔