سابق صدر پاکستان اور پاکستان پیپلزپارٹی پارلیمنٹیرینز کے صدر آصف علی زرداری نے پولیس شہدا ڈے پر ایک پیغام میں دہشتگردوں اور امن دشمنوں کی بھرپور مذاحمت کرکے شہادت پانے والے پولیس جوانوں اور افسروں کو شاندار الفاظ میں خراج عقیدت پیش کرتے ہوئے کہا ہے کہ پولیس کے بہادر جوانوںنے اپنی جانوں کا نذرانہ دے کر دہشتگردوں کے عزائم خاک میں ملا دئیے۔ آصف علی زرداری نے کہا کہ دہشتگردوں کو شکست دینے میں پولیس کا بھی قابل تعریف اور ناقابل فراموش کردار رہا ہے۔ آصف علی زرداری نے کہا کہ امن کی بحالی پر پولیس کے ان دلیر اور بہادر جانثاروں کو خراج عقیدت پیش کیا جائے اور ان کے خاندانوں کو تنہا نہ چھوڑا جائے۔