Archive for September, 2018

پاکستان پیپلزپارٹی کے سابق سیکریٹری اطلاعات سینیٹر تاج حیدر نے ایک بیان میں یہ تجویز دی ہے کہ ڈیم کی تعمیر کے لئے قوم کی جانب سے عطیہ کی گئی رقم کو بلوچستان میں 100 چھوٹے ڈیموں

پاکستان پیپلزپارٹی کے سابق سیکریٹری اطلاعات سینیٹر تاج حیدر نے ایک بیان میں یہ تجویز دی ہے کہ ڈیم کی تعمیر کے لئے قوم کی جانب سے عطیہ کی گئی رقم کو بلوچستان میں 100 چھوٹے ڈیموں کی تعمیر کے تیسرے اور آخری مرحلے کے لئے استعمال کیا جائے۔ سینیٹر تاج حیدر نے کہا ہے کہ دیامیر بھاشا ڈیم کی تعمیر کے لئے پانچ ٹھیکیداروں کی بولیاں موصول ہوگئی ہیں۔ اس ڈیم کی تعمیر کے لئے 1500ارب روپے درکار ہیں جبکہ اس وقت تک ڈیم کی تعمیر کے لئے جو رقم اکٹھی کی گئی ہے وہ صرف ساڑھے تین ارب روپے ہیں جو زیادہ سے زیادہ چھ یا سات ارب تک پہنچ سکتی ہے لیکن یہ رقم دیامیر بھاشا جیسے میگا پروجیکٹ کے لئے کوئی معنی نہیں رکھتی۔ انہوں نے کہا کہ اگر یہ رقم بلوچستان میں قائم کئے گئے 100چھوٹے ڈیموں کے لئے استعمال کی جائے تو اس سے بلوچستان کے دور دراز علاقوں میں رہنے والے عام آدمی کی زندگی پر بہت بہتر اثر پڑے گا۔ انہوں نے کہا کہ اس تجویز سے ایک طرف تو مفلوک الحال عوام کی بہتری ہوگی اور دوسری جانب ملک کے عوام کی جانب سے بلوچستان کے عوام کے لئے اظہار یکجہتی کا اظہار ہوگا۔ اگر کراچی اور لاہور کا ہر بچہ بلوچستان کے دور دراز علاقوں کے عوام کے لئے چھوٹے ڈیموں کی تعمیر میں مدد کرے تو بلوچستان کے عوام کو یہ احساس بھی ہوگا کہ پاکستان کے عوام اور اس کا ہر بچہ بلوچستان کے لوگوں کی بہتری کے لئے سوچتا ہے اور یہ انتہائی مثبت پیغام ہوگا۔

 

 

 

اسلام آباد (12 ستمبر 2018) پاکستان پیپلز پارٹی کے چیئرمین بلاول بھٹو زرداری نے 1983ع میں  تحریکِ بحالی جمہوریت (ایم آر ڈی) کے دوران خیرپور ناتھن شاہ میں آمر ضیاء کے ہاتھوں شہید

اسلام آباد (12 ستمبر 2018) پاکستان پیپلز پارٹی کے چیئرمین بلاول بھٹو زرداری نے 1983ع میں  تحریکِ بحالی جمہوریت (ایم آر ڈی) کے دوران خیرپور ناتھن شاہ میں آمر ضیاء کے ہاتھوں شہید ہونے والے پارٹی کارکنان کی 35 ویں برسی کے موقعے پر انہیں زبردست خراج عقیدت پیش کیا ہے۔  اپنے پیغام میں پی پی پی چیئرمین نے کہا کہ پاکستان میں جمہوریت اور عوامی حقوق کے لیئے پاکستان پیپلز پارٹی کی قیادت و کارکنان کی قربانیاں و جدوجہد ملک ہی نہیں تاریخِ اقوامِ عالم کا قابلِ فخر باب ہے۔ انہوں نے کہا کہ پوری قوم خیرپور ناتھن شاہ کے شہداء کی مقروض ہے اور ان کی عظیم قربانی کو رائیگان ہونے نہیں دیا جائے گا۔ بلاوہل بھٹو زرداری نے کہا کہ شہید محترمہ بینظیر بھٹو کی زیرقیادت لڑی گئی ایم آر ڈی کی تاریخی سیاسی لڑائی کا ہر پہلو آئںدہ نسلوں کے لیئے نصاب کی حیثیت رکھتا ہے۔ انہوں نے تاریخ و سیاسیات کے اساتذہ پر زور دیا کہ وہ اس نظریاتی و فکری جدوجہد سے نئی نسلوں کو آگاہ کرنے میں اپنا کردار ادا کریں۔ واضح رہے کہ 12 ستمبر 1983ع میں ضلع دادو کے شہر خیرپور ناتھن شاہ میں آمر جنرل ضیا کے ہاتھوں پی پی پی کے 12 کارکنان شہید کردیئے گئے تھے۔ شہداء میں عبدالغنی ابڑو، عبدالعزیز لاکھیر، نظام الدین نائچ، عبدالنبی کھوسو، اللہ ورایو لانگاہ، شاہنواز کھوسو، حبیب اللہ لغاری، دیدار علی کھوکھر، ضمیر حسین جاگیرانی، اعجاز حسین کھونھارو اور منظور احمد چانڈیو شامل تھے۔

سابق صدر پاکستان اور پاکستان پیپلزپارٹی پارلیمنٹیرینز کے صدر آصف علی زرداری حکومت سند ھ کو ہدایت کی ہے کہ محرم الحرام میں مذہبی ہم آہنگی کو یقینی بنایا جائے۔

سابق صدر پاکستان اور پاکستان پیپلزپارٹی پارلیمنٹیرینز کے صدر آصف علی زرداری حکومت سند ھ کو ہدایت کی ہے کہ محرم الحرام میں مذہبی ہم آہنگی کو یقینی بنایا جائے۔ امن و امان کو برقرار رکھنے کے لئے شرپسندوں پر کڑی نظر رکھی جائے۔ آصف علی زرداری نے سندھ حکومت کو یہ بھی ہدایت کی کہ ایسے عناصر کو قانون کی گرفت میں لایا جائے جو فتنہ کا باعث بن رہے ہوں۔ امن کو بحال رکھنے کےلئے تمام اداروں کو حرکت میں لایا جائے، قانون شکن عناصر سے کوئی بھی رعایت نہ کی جائے۔ آصف علی زرداری نے کہا کہ مذہبی اور عبادت کی آزادی کو ہر صورت میں برقرار رکھا جائے۔

پاکستان پیپلز پارٹی کے چیئرمین بلاول بھٹو زرداری نے کہا ہے کہ یومِ دفاع کو شایانِ شان انداز میں منانا یہی ہے

کراچی (5 ستمبر 2018) پاکستان پیپلز پارٹی کے چیئرمین بلاول بھٹو زرداری نے کہا ہے کہ یومِ دفاع کو شایانِ شان انداز میں منانا یہی ہے کہ پاکستان کی سرحدوں، نظریئے اور جمہوریت کی حفاظت کے ساتھ ساتھ ان ہم وطنوں اور سپاہیوں کو شاندار خراج عقیدت پیش کیا جائے جہنوں نے قوم کے تحفظ کی خاطر جامِ شہادت نوش کیا۔ یومِ دفاعِ پاکستان کے موقعے پر اپنے پیغام میں پی پی چیئرمین نے کہا کہ انتھاپسندی و عسکریت پسندی بنیادی خطرہ ہیں اور تمام قوم و اداروں کو دفاعِ وطن کی خاطر ایک پیج پر ہونا ہوگا۔ بلاول بھٹو زرداری نے کہا کہ 6 ستمبر 1965ع وہ دن تھا جب شہری و افواج نے اپنے سے زیادہ طاقتور دشمن بھارت کے خلاف جنگ بڑی بھادری سے لڑی، جس نے اسے جوہری پروگرام شروع اور اسے وسیع کرنے پر مجبور کیا۔ انہوں نے نشاندھی کرتے ہوئے کہا کہ یہ شہید ذوالفقار علی بھٹو ہی تھے، جنہوں نے خطے میں بھارت کے جوھری تسلط آمیز ارادوں کو بھانپ لیا تھا اور انہوں نے سکیورٹی ماحول کا توازن برقرار رکھنے کے لیئے جوھری پروگرام کی بنیاد رکھی تاکہ مستقبل میں پاکستان کو ناقابل تسخیر حیثیت حاصل ہو۔ وزیراعظم شہید محترمہ بینظیر بھٹو ملکی دفاع کو مزید مضبوط بنانے کے لیئے بیلسٹک میزائیل ٹیکنالاجی حاصل کی۔ پی پی پی چیئرمین نے کہا کہ پاکستان کے شہید بیٹوں و بیٹیوں کو ہمیشہ یاد رکھا جائیگا، وہ ہماری تاریخ کے ہیرو ہیں، اور انہیں خراج عقیدت پیش کرنے کے لیئے ہم سلام پیش کرتے ہیں۔

پاکستان پیپلزپارٹی کے چیئرمین بلاول بھٹو زرداری نے عارف علوی کو پاکستان کا صدر منتخب ہونے پر مبارکباد پیش کرتے ہوئے امید ظاہر کی ہے

پاکستان پیپلزپارٹی کے چیئرمین بلاول بھٹو زرداری نے عارف علوی کو پاکستان کا صدر منتخب ہونے پر مبارکباد پیش کرتے ہوئے امید ظاہر کی ہے کہ وہ ریاست کے سربراہ کی حیثیت اور وفاق کی علامت کے طور پر آئین کی روح کے مطابق صدر کے فرائض سرانجام دیں گے۔ ایک بیان میں بلاول بھٹو زرداری نے کہا کہ پاکستان پیپلزپارٹی منتخب صدر کو مبارکباد پیش کرتی ہے لیکن اس کے ساتھ ساتھ صدر کی حیثیت سے ان کے کردار پر نظر بھی رکھے گی۔ انہوں نے کہا کہ پی ٹی آئی کے لیڈران عمران خان اور عارف علوی نے پارلیمان اور شہری ریاست کے اداروں کی حیثیت کو گھٹایا ہے اور ان سے کہا ہے کہ وہ اپنے ماضی کے کردار سے خود کو دور کریں جس کی وجہ سے پارلیمنٹ کی حیثیت کم ہوئی تھی۔ بلاول بھٹو زرداری نے کہا کہ پارلیمنٹ کو اس کی حیثیت دینے کے لئے ایک پارلیمانی کمیٹی بنائی جائے جو بلاتاخیر اس بات کی تحقیقات کرے کہ 2018ءکے انتخابات میں کیا بدعنوانیاں ہوئی ہیں۔ انہوں نے منتخب صدر کو یادلایا کہ الیکشن کمیشن کی جانب سے اپ لوڈ کئے ہوئے فارم45کے فارنزک آڈٹ کرائے جائیں اور آرٹی ایس سسٹم کے فیل ہونے کی بھی تحقیقات کرائی جائیں۔ انہوں نے کہا کہ اس معاملے سے زیادہ عرصے تک گریز نہیں کیا جا سکتا۔