سابق صدر پاکستان اور پاکستان پیپلزپارٹی پارلیمنٹیرینز کے صدر آصف علی زرداری نے سعودی پرنس ولی عہد محمد بن سلمان کے دورہ پاکستان کا خیرمقدم کیا ہے۔ سابق صدر نے کہا کہ پاکستان اور سعودی عرب کے برادرانہ تعلقات دائمی رہے ہیں۔ سعودی عرب پاکستان کا انتہائی محترم اور قابل احترام دوست ہے۔ پاکستان پیپلزپارٹی اور بھٹو خاندان سعودی عرب کے پرنس محمد بن سلمان کے دورہ پاکستان کو خیرمقدم کرتے ہیں۔ سعودی عرب نے ہر مشکل وقت میں پاکستان اور پاکستانی قوم کی مدد کی ہے۔