صدر مملکت آصف علی زرداری نے شمالی وزیرستان میں سنیٹائزیشن آپریشن میں سیکیورٹی فورسز کی جانب سے مزید 17 خوارج جہنم واصل کرنے پر فورسز کو خراج تحسین پیش کیا ہے۔ صدر مملکت نے کاروائی کے دوران فتنہ الخوارج کے 17 دہشت گردوں کا قلع قمع کرنے پر سکیورٹی فورسز کی بہادری کو سراہا۔ انہوں نے دہشتگردوں کے خلاف گزشتہ روز کی بڑی کاروائی کے بعد مزید دہشتگردوں کو جہنم واصل کرنے پر سیکیورٹی فورسز کی تعریف کی اور کہا کہ دہشت گردوں کے مکمل خاتمے تک سیکیورٹی فورسز کی کاروائیاں جاری رہیں گی۔ صدر مملکت نے کہا کہ پاکستان کی سیکیورٹی فورسز کا دہشت گردی کے خاتمے کے لیے کامیاب کاروائیاں کرنا خوش آئند ہے اور دہشت گرد عناصر کے خاتمے، ملکی دفاع کیلئے ہمارا عزم غیر متزلزل رہے گا۔ صدر مملکت نے فتنہ الخوارج کے مکمل خاتمے کے لئے قومی عزم کااظہاربھی کیا۔