چیئرمین پاکستان پیپلزپارٹی بلاول بھٹو زرداری نے ضلع جامشورو کے علاقہ تھانہ بولا خان کے قریب ٹریفک حادثہ پر افسوس کا اظہارکرتے ہوئے کہا کہ حادثے میں ضلع بدین کی اقلیتی برادری سے تعلق رکھنے والے محنت کشوں کی قیمتی جانوں کا ضیاع باعثِ صدمہ ہے۔ انہوں نے کہا کہ حادثے میں اپنے پیاروں کو کھونے والے خاندانوں کے دکھ میں برابر کا شریک ہوں۔ متعلقہ حکام حادثے کے زخمیوں کے بہتر علاج معالجے کو یقینی بنائیں۔ بلاول بھٹو زرداری نے ہدایت کی کہ ضلع بدین کے متعلقہ ارکان اسمبلی، بلدیاتی نمائندے اور عہدیداران سوگوار خاندانوں کا دکھ بانٹیں اور ہر ممکن مدد کریں۔