| پاکستان پیپلز پارٹی کے چیئرمین بلاول بھٹو زرداری نے پارٹی کے یومِ تاسیس کے موقع پر کارکنان، حامیوں اور پاکستانی عوام کو مبارکباد پیش کرتے ہوئے کہا ہے کہ آج کا دن ملک میں جمہوریت، سماجی انصاف اور عوام کے اختیارات کے لیے پیپلز پارٹی کی 57 سالوں پرمحیط غیر متزلزل وابستگی کا مظہر ہے۔ میڈیا سیل بلاول ہاو ¿س سے جاری کردہ پریس رلیز کے مطابق، پی پی پی چیئرمین نے قائد عوام شہید ذوالفقار علی بھٹو کی لازوال میراث کو اجاگر کیا، جنہوں نے 30 نومبر 1967 کو پیپلز پارٹی کی بنیاد اس مقصد کے ساتھ رکھی تھی کہ مساوات، انسانی حقوق اور معاشی خوشحالی کے اصولوں پر مبنی ایک مساوی معاشرہ قائم کیا جائے۔ انہوں نے شہید محترمہ بینظیر بھٹو کی قربانیوں کو بھی خراج عقیدت پیش کیا، جنہوں نے جمہوریت کے لیے بے مثال بہادری کا مظاہرہ کیا اور اپنی انتھک جدوجہد سے لاکھوں افراد کو متاثر کیا۔ چیئرمین بلاول بھٹو زرداری نے پاکستان کی تاریخ تشکیل دینے میں پیپلز پارٹی کے اہم کردار پر بھی روشنی ڈالی۔ شہید ذوالفقار علی بھٹو کی دوراندیش قیادت میں، پارٹی نے قوم کو 1973 کا پہلا جمہوری آئین دیا، جو تمام شہریوں کے مساوی حقوق اور نمائندگی کو یقینی بناتا ہے۔ قائد عوام نے پاکستان کے جوہری پروگرام کا آغاز کیا، جو ملک کی دفاعی صلاحیتوں کا سنگ بنیاد بنا۔ پیپلز پارٹی نے زمین کی تقسیم، مزدوروں کے حقوق، اور تعلیم میں انقلابی اصلاحات متعارف کرائیں، جو سماجی ترقی کی بنیاد بنیں۔ شہید محترمہ بینظیر بھٹو، جو کسی مسلم اکثریتی ملک کی پہلی خاتون وزیرِاعظم تھیں، نے نہ صرف جمہوریت کو مضبوط کیا بلکہ خواتین کو بااختیار بنایا، سماجی فلاح و بہبود کو فروغ دیا، اور کروز میزائل ٹیکنالوجی کی ترقی میں بھی قیادت فراہم کی۔ صدر آصف علی زرداری کے پہلے دورِ صدارت میں، پیپلز پارٹی کی حکومت نے مساوات کے اصولوں سے اپنی غیر متزلزل وابستگی کا عملی مظاہرہ کرتے ہوئے تاریخی 18ویں ترمیم کے ذریعے صوبائی خودمختاری کو مضبوط بنایا اور بینظیر انکم سپورٹ پروگرام (بی آئی ایس پی) کا آغاز کیا، جو اب تک لاکھوں مستحق شہریوں کی زندگیوں کو بہتر بنا چکا ہے۔ انہوں نے مزید کہا کہ پاکستان پیپلز پارٹی ہمیشہ محروم طبقوں کی آواز، مزدوروں اور کسانوں کے حقوق کی محافظ، اور خواتین و اقلیتوں کے اختیارات کی مضبوط بنانے کی حامی رہی ہے۔ اپنی بنیاد سے لے کر آج تک، پیپلز پارٹی ایک پرامن، ترقی پسند اور خوشحال پاکستان کی جدوجہد میں ثابت قدم رہی ہے۔ انہوں نے پیپلز پارٹی کے کارکنان کی ثابت قدمی اور وفاداری کو سراہتے ہوئے کہا کہ وہ پارٹی کی طاقت اور کامیابی کی بنیاد ہیں۔ پارٹی کے بنیادی اصولوں سے وابستگی کا اعادہ کرتے ہوئے، انہوں نے ظلم، ناانصافی اور عدم مساوات کے خلاف جدوجہد جاری رکھنے کا عزم کیا۔ انہوں نے کہا کہ آج اِس تاریخی دن کے موقع پر آئیے ہم پارٹی کے اصولوں کو برقرار رکھنے اور عوام کی فلاح و بہبود کے لیے بھرپور محنت کرنے کا عہد کریں۔ مل کر ہم ایک جمہوری اور جامع پاکستان کے خواب کو شرمندہ تعبیر کریں گے۔ چیئرمین بلاول بھٹو زرداری نے پارٹی کارکنان اور حامیوں پر زور دیا کہ وہ یومِ تاسیس کو جوش و خروش اور یکجہتی کے ساتھ منائیں اور ان عظیم قربانیوں کو خراج عقیدت پیش کریں جو جمہوریت اور آزادی کی جدوجہد |
