صدر مملکت آصف علی زرداری نے سویڈن اور بیلجیئم کے سفراءکوسفارتی اسناد پیش کیں۔ سویڈن اور بیلجیئم کے نامزد سفراءنے صدر مملکت سے علیحدہ علیحدہ ملاقاتیں کیں۔ صدر مملکت نے کہا کہ امید ہے کہ نامزد سفراءپاکستان کے ساتھ باہمی سود مند تعاون مزید بہتر بنائیں گے۔ انہوں نے کہا کہ بیلجیئم پاکستان کا ایک اہم تجارتی پارٹنر ہے اور پاکستان بیلجیئم کے ساتھ دوطرفہ تجارت اور اقتصادی تعاون کو مزید فروغ دینا چاہتا ہے۔ پاکستان اور سویڈن کے درمیان باہمی احترام اور افہام و تفہیم پر مبنی دوستانہ تعلقات ہیں۔ صدر مملکت نے سویڈن کے ساتھ دوطرفہ تعلقات مزید مضبوط بنانے کی ضرورت پر زور دیا۔ قبل ازیں، نامزد سفراءکے ایوان صدر پہنچنے پر مسلح افواج کے چاق و چوبند دستے نے گارڈ آف آنر پیش کیا۔