| صدر مملکت آصف علی زرداری نے پرنس رحیم الحسینی سے لزبن میں ملاقات کرکے ان کے والد پرنس کریم آغا خان کے انتقال پر اظہارِ تعزیت کیا اور پاکستان کے عوام اور حکومت کی جانب سے دلی ہمدردی کا اظہار کرتے ہوئے کہا کہ پوری قوم ایک سچے دوست اور عظیم انسان دوست شخصیت سے محروم ہونے پر سوگوار ہے۔ انہوں نے کہا کہ مرحوم آغا خان کے ساتھ ان کا ذاتی تعلق تھا، اِنتقال سے گہرا صدمہ پہنچا اور صدر مملکت نے مرحوم آغا خان کے پاکستان کی سماجی اور معاشی ترقی میں کردار کو سراہا ۔ صدر مملکت نے کہا کہ مرحوم آغا خان کی دور اندیش قیادت نے پاکستان اور دنیا کے دیگر خطوں میں لوگوں کی زندگیوں کو بہتر کیا۔ صدر مملکت کو چین کے سرکاری دورے کے دوران آغا خان کے انتقال کی خبر ملی۔میں مرحوم آغا خان کی انسان دوستی اور انسانیت کے لیے زندگی بھر کی خدمات کو خراج تحسین پیش کرنے لزبن آیا ہوں۔ انسانیت کے لیے مرحوم آغا خان کی خدمات کو ہمیشہ یاد رکھا جائے گا۔ امید ہے کہ پرنس رحیم الحسینی انسانیت کی خدمت کے اپنے والد کے مشن کو جاری رکھیں گے۔صدر پاکستان کا دورہ پاکستان اور آغا خان خاندان کے درمیان گہری اور پائیدار دوستی اور پرنس کریم آغا خان کی میراث کے دیرپا اثرات کو اجاگر کرتا ہے۔ |
