اسلام آباد(19 اگست 2024)صدر مملکت آصف علی زرداری نے باجوڑ میں دہشت گردوں کا مقابلہ کرتے ہوئے پاک فوج کے تین جوانوں کی شہادت پر اظہار افسوس اور دفاع وطن میں جان کا نذرانہ پیش کرنے پر شہداءکو خراج عقیدت پیش کیا۔ انہوں نے کہا کہ قوم کے شہداء قوم کا فخر ہے اور پوری قوم احسان مند رہے گی۔ سیکورٹی فورسز نے بہادری سے دہشت گردوں کی دراندازی کوشش کو ناکام بنایا، دہشت گردوں کو جہنم واصل کیا۔ صدر مملکت نے کہا کہ افواجِ پاکستان کے جذبہ حب الوطنی اور ایثار کو پوری قوم سلام پیش کرتی ہے۔ پوری قوم اپنے شہداءکو خراج عقیدت پیش کرتی ہے ،ان کی قربانیاں فراموش نہیں کرے گی ۔ صدر مملکت نے شہداءکے لیے بلندی درجات اوار ان کے اہل خانہ کے لیے صبر جمیل کی دعاکی۔