پاکستان پیپلز پارٹی کے چیئرمین بلاول بھٹو زرداری نے حکومت اور معاشرے پر زور دیا ہے کہ وہ پائیدار ترقی اور سب کے لیے خوشحال مستقبل کے لیے آبادی میں تیزی سے اضافے کی روکتھام کے معاملے پر توجہ دیں، آبادی میں تیزی سے اضافہ ایسے چیلنجز کا سبب بنتا ہے جن کا فوری اور موثر حل ضروری ہے۔ میڈیا سیل بلاول ہاو ¿س کی جانب سے جاری کردہ پریس ریلیز کے مطابق، پی پی پی چیئرمین نے آبادی کے عالمی دن کے موقع پر اپنے پیغام میں اقوام متحدہ کے تھیم ‘کسی کو پیچھے نہ چھوڑیں، سب کو شمار کریں’ کی توثیق کی ہے۔ انہوں نے مزید کہا کہ پاکستان پیپلز پارٹی کے ادوارِ حکومت میں اس اہم مسئلے کو حل کرنے حوالے سے ہر بار نمایاں پیش رفت ہوئی۔ انہوں نے کہا کی عوامی حکومتوں نے آگاہی مہموں، قابل رسائی صحت کی دیکھ بھال اور خاندانی منصوبہ بندی کے ذریعے آبادی میں اضافے کو کنٹرول کرنے کے لیے اقدامات کیے۔ اںہوں نے کہا کہ مذکورہ کاوشوں کا مقصد فرد و خاندانوں کو اپنی تولیدی صحت کے بارے میں باخبر فیصلے کرنے کے لئے بااختیار بنانا تھا۔ چیئرمین بلاول بھٹو زرداری نے جنرل ضیائ الحق کی آمریت کے دوران پاکستان میں تیزی سے بڑھتی ہوئی آبادی کو کنٹرول کرنے کے کاز کو بہت نقصان پہنچا۔ انہوں نے مزید کہا کہ ضیائ الحق نے اپنے اقتدار کی خاطر مذہبی جنونیت کو فروغ دیا اور استدلال و اعتدال پسند سوچ کو دبایا، جس کے نتیجے میں پاکستانی قوم کو بڑھتی ہوئی آبادی پر قابو پانے سمیت کئی محاذوں پر مشکلات کا سامنا کرنا پڑا ہے۔ انہوں نے نشاندہی کرتے ہوئے کہا کہ دائیں بازو کی حکومتیں اور جماعتیں اکثر آبادی میں تیزی سے اضافے جیسے مسائل کو نظر انداز کرتی ہیں، جس سے وسائل کی تقسیم میں چیلنجز پیدا ہوتے ہیں۔ چیئرمین بلاول بھٹو زرداری نے خاندانی منصوبہ بندی کے بارے میں تعلیم کے فروغ اور زچہ و بچہ کی صحت کے پروگراموں میں معاونت کی ضرورت پر زور دیا اور کہا کہ ان سیکٹرز میں سرمایہ کاری کرکے پاکستان اپنی آبادی میں اضافے کی شرح کو کم اور اپنے شہریوں کے معیار زندگی کو بہتر بنا سکتا ہے۔ آبادی کے اس عالمی دن کے موقع پر چیئرمین بلاول بھٹو زرداری نے ان کوششوں کو جاری رکھنے کے لیے پاکستان پیپلز پارٹی کے عزم کا اعادہ کیا اور کہا کہ ہمیں ایک متوازن اور خوشحال معاشرے کی نمو کو یقینی بنانے کے لئے سب کے لئے تعلیم ، صحت کی دیکھ بھال اور معاشی مواقع کو ترجیح دینی چاہئے۔ انہوں نے زور دیتے ہوئے کہا کہ آئیے ایک ایسے مستقبل کی تعمیر کے لئے مل کر کام کریں جہاں ہر بچہ اہم ہو، ہر ماں صحت مند ہو، اور ہر خاندان خوشحال ہو۔ بلاشک و شبہ، ہم سب مل کر یہ کر سکتے ہیں۔