چیئرمین پاکستان پیپلزپارٹی بلاول بھٹو زرداری نے پنجاب کے ضلع خوشاب میں ٹرک حادثہ میں ہلاکتوں پر اظہار رنج و غم اور دکھ کا اظہار کیا ہے۔ انہوں نے کہا کہ اس خوفناک حادثہ میں معصوم بچوں سمیت قیمتی جانوں کا ضیاع باعثِ صدمہ ہے۔ بلاول بھٹو زرداری نے کہا کہ حادثے میں اپنے پیاروں کو کھونے والوں کے غم میں برابر کا شریک ہوں۔ انہوں نے کہا کہ حادثے کے زخمیوں کے بہتر علاج معالجے کو یقینی بنایا جائے۔ بلاول بھٹو زرداری نے کہا کہ اس طرح کے حادثات کی روکتھام کے لیے متعلقہ حکام اور شہریوں کو اپنا اپنا کردار ادا کرنا ہوگا۔