صدر مملکت آصف علی زرداری سے ملائیشیا کے وزیر اعظم انور ابراہیم نے ایوان صدر میں ملاقات کی۔ ملاقات میں چیئرمین پاکستان پیپلز پارٹی بلاول بھٹو زرداری، نائب وزیراعظم/وزیر خارجہ سینیٹر محمد اسحاق ڈار، نے بھی شرکت کی۔ پاکستان اور ملائیشیا کا تجارت، معیشت، بینکنگ سیکٹر، فوڈ ٹیکنالوجی اور زراعت کے شعبوں میں دوطرفہ تعاون مزید بڑھانے کے عزم کا اعادہ کیا۔ دونوں ممالک نے دوطرفہ اہمیت کے امور پر تعاون پر بھی اتفاق کیا۔ صدر مملکت نے کہا کہ پاکستان ملائیشیا کے ساتھ اپنے تعلقات کو بہت اہمیت دیتا ہے اور پاکستان ملائیشیا کے ساتھ باہمی دلچسپی کے تمام شعبوں میں دوطرفہ تعاون کو مزید بڑھانے کے لیے پرعزم ہے۔ انہوں نے کہا کہ ملائیشیا کے وزیراعظم کے دورے سے دونوں برادر ممالک کے درمیان دوطرفہ تعاون کو مزید فروغ ملے گا۔ صدر مملکت نے غزہ کی موجودہ صورتحال پر تشویش کا اظہارکیا۔ انہوں نے کہا کہ عالمی برادری اسرائیل کو فلسطینی عوام کے خلاف نسل کشی اور مظالم کے ارتکاب سے روکنے کے لیے اقدامات کرے۔ ملائیشین وزیراعظم نے کہا کہ وزیراعظم محمد شہباز شریف سے بہت اچھی بات چیت ہوئی۔ صدر مملکت نے خصوصی تقریب میں ملائیشیا کے وزیراعظم کو نشان پاکستان کا ایوارڈ دیا۔ آصف علی زرداری نے کہا کہ ملائیشیا کے وزیر اعظم انور ابراہیم شاعر مشرق علامہ اقبال کو پڑھنے کے شوقین ہیں۔ وہ اپنے پورے سیاسی کیرئیر میں انسانی مقاصد اور اسلامی اقداراور حقِ خود ارادیت کی تحریکوں کے حامی رہے ہیں ۔ صدر مملکت نے ملایشیا کے وزیر اعظم اور ا ±نکے وفد کیلئے عشائیہ کا بھی اہتمام کیا ۔