صدر مملکت آصف علی زرداری کو جمہوریہ کرغز، ریاست فلسطین، جمہوری عوامی جمہوریہ کوریا، ازبکستان، کینیا اور جمہوریہ ترکیہ کے سفراءنے سفارتی اسناد پیش کیں اور نامزد سفراءنے صدر مملکت سے الگ الگ ملاقاتیں بھی کیں۔ صدر مملکت نے سفراءکو پاکستان میں تقرری پر مبارکباد پیش کی۔انہوں نے کہا کہ امید ہے کہ غیر ملکی سفراءپاکستان کے ساتھ تجارت، معیشت اور ثقافت کے شعبوں میں باہمی طور پر سود مند دوطرفہ تعلقات مزید بہتر بنانے میں اپنا کردار ادا کریں گے۔ قبل ازیں، سفراءکو ایوان صدر پہنچنے پر پاکستان کی مسلح افواج کے چاق و چوبند دستے نے گارڈ آف آنر پیش کیا۔